കൊച്ചി:വിദേശത്ത് പഠിച്ച്, ഉയർന്ന ശമ്പളമുള്ള ജോലി നേടി അവിടെ സ്ഥിരതാമസമാക്കുന്ന മലയാളികളുടെ എണ്ണം അനുദിനം വർധിക്കുകയാണ്. ഇതേലക്ഷ്യത്തോടെ വിദേശത്ത് ഉപരിപഠനം നടത്താൻ ആഗ്രഹിക്കുന്ന വിദ്യാർഥികൾക്ക് ആ സ്വപ്നം യാഥാർഥ്യമാക്കാനുള്ള വഴിതുറക്കുകയാണ് ‘ലെറ്റ്‌സ് ഗോ എബ്രോഡ്’ എക്സ്‌പോ. മാതൃഭൂമി ഡോട്ട് കോമിന്റെ ആഭിമുഖ്യത്തിൽ ഏപ്രിൽ 30-ന് മറൈൻ ഡ്രൈവിലെ താജ് ഗെയ്റ്റ് വേയിൽ നടക്കുന്ന എക്സ്‌പോ വിദേശപഠനത്തെക്കുറിച്ചുള്ള ഏറ്റവും ആധികാരികവും സമഗ്രവുമായ വിവരങ്ങൾ വിദ്യാർഥികൾക്ക് ലഭ്യമാക്കുന്നു. രാവിലെ 10 മുതൽ വൈകീട്ട്‌ ഏഴുവരെ നടക്കുന്ന എക്സ്‌പോയിൽ പ്രവേശനം സൗജന്യമാണ്.
കാനഡ, യു.കെ., യു.എസ്., ഓസ്‌ട്രേലിയ, ജർമനി, അയർലൻഡ്, സ്വിറ്റ്‌സർലൻഡ്, ന്യൂസിലാൻഡ്, ഇറ്റലി തുടങ്ങി ഇരുപതിലേറെ രാജ്യങ്ങളിലെ പഠനാവസരങ്ങളെക്കുറിച്ച് അറിയാം. കൂടാതെ, വിവിധ പഠനശാഖകളിൽ മികച്ച തൊഴിൽസാധ്യതകളുള്ള കോഴ്‌സുകളെക്കുറിച്ചും എക്സ്‌പോയിലൂടെ മനസ്സിലാക്കാം. ഈ രാജ്യങ്ങളിലെ നിലവിലെ നയങ്ങളെക്കുറിച്ചും സാഹചര്യങ്ങളെക്കുറിച്ചും ഏറ്റവും വിശ്വസനീയമായ വിവരങ്ങൾ അറിയാം. ആഗ്രഹിക്കുന്ന കോഴ്‌സ് പഠിക്കാൻ ഏറ്റവും അനുയോജ്യമായ രാജ്യവും സർവകലാശാലയും ഏത്, അവിടെ പ്രവേശനം ലഭിക്കുന്നതിനുള്ള മാനദണ്ഡങ്ങൾ, വിസ പ്രോസസിങ്, സ്കോളർഷിപ്പ് തുടങ്ങി ഉപരിപഠനവുമായി ബന്ധപ്പെട്ട വിവരങ്ങൾ, കേരളത്തിലെ മുൻനിര വിദേശവിദ്യാഭ്യാസ കൺസൾട്ടൻസികളുടെ പ്രതിനിധികളോട് നേരിട്ട് ചോദിച്ചറിയാം. വിവിധ യൂണിവേഴ്‌സിറ്റികളിലേക്കുള്ള ആപ്ലിക്കേഷനുകൾ പ്രോസസ് ചെയ്യാനുള്ള അവസരവും ലഭിക്കുന്നതാണ്. വിദേശവിദ്യാഭ്യാസരംഗത്തെ പ്രമുഖർ നയിക്കുന്ന സെമിനാറുകളും ഉണ്ടാകും. യൂണിമണി ടൈറ്റിൽ സ്പോൺസറാണ്.

വിവരങ്ങൾക്ക്: 97461 22746, 95673 45670.
‘ലെറ്റ്‌സ് ഗോ എബ്രോഡ്’ എക്സ്‌പോ ഏപ്രിൽ 30-ന് കൊച്ചിയിൽ
പ്രവേശനം സൗജന്യം